मिरची पपई पिकावरील खोकडा बोकडा रोग नियंत्रण

चुरडा मुरडा / कोकडा / बोकडा / घुबडा यालाच leaf curl व रसशोसक किडी मुख्यत: कारणीभूत असतात.

यासाठी नैसर्गिक शेतीतील उपाय 

★★★★★★★★★★★★★★★★★★★★★★

१) मिरची, पपई व ईतर पीकांची लागवड करीत असताना योग्य सहजीवन निवडणे.

उदा. - चवळी, मका, झेंडू, तसेच द्विदल पिके व एकदल यांचे योग्य नियोजन करणे.

★

२) कोणतेही फक्त एकच पिक घेतल्यास हा रोग जास्त प्रमाणात येतो. सहजीवन केल्यास हा रोग कमी प्रमाणात येतो.

★

३) जमिनीत वाफसा ठेवावा.

★

४) जमिनीवर सतत  सजिव व निर्जीव अच्छादन ठेवावे.

● उपाय ●

१) आंबट ताक ३ लिटर व  १० लिटर जिवामृत १०० लीटर पाण्यात मिसळून फवारावे. सतत ८ दिवसाच्या अंतराने ह्या फवारण्या घ्याव्यात.

२) दशपर्णी अर्क ८ लिटर + २ लिटर गोमूत्र एकत्र करुण १०० लिटर पाण्यात फवारणी करावी. 

वरील दोन्ही फवारण्या आलटून पालटुन ४ दिवसाच्या अंतराने घ्याव्यात. 

३) १०० लिटर पाण्यात ३ किलो कांद्याचा लगदा करुन चांगले ढवळून याची गाळून फवारणी करावी.

४) २ किलो तंबाखू ( काड्या किंवा भुकटी ) घ्या. 

८ लिटर पाण्यात १ तास उकळा.

उकळल्यानंतर खाली उतरून त्यामध्ये २ किलो बाजरीचे पीठ टाकून चांगले घोटावे.

थंड झाल्यावर त्यात ५० लिटर पाणी व २ लिटर आंबट ताक  टाकून चांगले एकजीव करून अर्धा तासाने गाळून १५० लिटर पाण्यात टाकुन फवारणी करावी.

५) 200 लिटर पाण्यात +

1 किलो तबांखु +

1/2 किलो लसुण +

1/2 किलो हिरवी तिखट मिरची 

बारीक करून 48 तास भिजवुन नंतर गाळुन फवारणी करणे.

★★★★★★★★★★★★